Andstøðan: Lítið ítøkilig løgmansrøða

Tað bar illa til at vera ósamdur við løgmann, Bárð á Steig Nielsen, sum helt sína aðru løgmansrøðu nú á ólavsøku. Tað er ein felags niðurstøða hjá andstøðuni. Har manglaði tó ymiskt, millum annað kjakið um heitar hendur, sum skulu fara um okkara eldru borgarar og børn. Aksel V. Johannesen, formaður Javnaðarfloksins, helt at løgmaður legði ov stóran dent á kapping og vøkstur, sum bara skapar størri ójavna í samfelagnum.