Korona herjar av álvara í Klaksvík

Gerandisdagurin í Norðoyggjum er broyttur. At nógv fólk antin eru smittað ella eru í sóttarhaldi av koronu er sjónligt í býarmyndini í Klaksvík, og støðan ávirkar virksemi av øllum slag.

Virkna samkomkvinnan, Steinvør Fonn, er ørg um, at so fá fólk í Norðoyggjum hava latið seg koppseta fyri koronu. Í gjár fór hon á Facebook við einari hvassari áheitan á fólk um at lata seg koppseta. Hon spyr eisini, um fólk halda, at Gud ikki ynskir, at tey taka ímóti koppsetingini.

Landslæknin mælir til, at koronupass og kanningar verða kravdar, um fólk skulu til størri tiltøk.