Bogaskjóting: fáir luttakarar í regninum

Undirtøkan - serliga í compound - var einki serlig, tá bogaskjúttarnir stríddust ímóti regni og vindi á Føroyaleikunum leygardagin.

 - Tað er keðiligt, at vit ikki hava betri undirtøku, sigur Jóannes Poulsenúr Ørvi, sum var ein av bert tveimum compound-skjúttum hjá monnum.

 - Vit áttu at kunna fingið skjúttar hendavegin úr øðrum londum, og eg haldi, at tað er tað, sum BSKF (Bogaskjótisamband Føroya, red.) skal arbeiða fram ímóti, sigur Jóannes Poulsen, sum vann sína kapping.

Hjá compound-kvinnunum vann Helena við Misá, sum eisini umboðar Ørv. 

Í recurve stóð munandi betur til; seks kvinnur og tíggju skjúttar skutu á Frælsinum. 

Sólgerð Henriksen úr Vágaskoti vann kappingina hjá kvinnum, meðan Hans Petur Højgaard úr Ørvi vann hjá monnum.