Andrias gleddist um sín fyrsta dyst

19.11.2022 - 20:57
ÍtrótturFótbóltur
Andrias gleddist um sín fyrsta dyst
Andrias Edmundsson fekk fyri kortum at vita, at hann neyvan fór at sleppa av við fótskaðan, men nú er hann batnaður so mikið, at hann hevur spælt sín fyrsta A-landsdyst

Á nýggjárinum skrivaði Andrias Edmundsson sær ein lista við málum á.

Eitt av málunum var at spæla fyrsta A-landsdystin, og tað gjørdi stóri toftamaðurin leygardagin í venjingardysti ímóti Kosovo, sum endaði 1-1.

 - Eg eri øgiliga glaður, tí tað er eitt mál, sum eg havi havt leingi, segði Andrias Edmundsson eftir dystin á Fadil Vokrri-leikvøllinum í Pristina.

Sum árið hevur liðið, hevur tað ikki beinleiðis ligið í kortunum, at tað fór at eydnast hjá miðverjanum at røkka málinum, sum hann setti sær á nýggjárinum.

Ein fótskaði hevur darvað illa, og fyrr í ár vóru boðini, at hann neyvan fór at sleppa av við skaðan.

 - Tað er ikki so langt síðan, at ein lækni kom yvir til mín og segði, at 'tú helst altíð kemur at hava trupulleikar við fótinum', men eg havi ongar trupulleikar nú, og tað eri eg ekstremt glaður fyri, segði fegni verjuleikarin, sum ætlar sær at halda fast um landsliðsplássið komandi ár.

 
Er kopiera

Tak niður

Nýggjastu sendingar í ÚV
Hósdag 1. desember
Mono: Fimm áratíggju (2:5)
148822
Hósdag 1. desember
Góðan morgun Føroyar 01. desember 2022
148795
Hósdag 1. desember
Morgunlestur hósdagur 1. desember 2022
148582
Nýggjastu sendingar í SV
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669