Marita og Rógvi vunnu aftur

22.11.2022 - 10:19
ÍtrótturAnnar ítróttur
Marita og Rógvi vunnu aftur
Marita Andrasardóttir og Rógvi Kárason vunnu annað umfar í vetrarkappingini í renning í Havnadali. Tey bæði vóru eisini fremst í fyrsta umfari runt Agnið

Rógvi Kárason og Marita Andrasardóttir hava fingið góða byrjan upp á vetrarkappingina í renning. 

Um vikuskiftið vunnu tey annað umfar í Havnardali og løgdu sostatt sigurin afturat fyrsta plássinum í fyrsta umfar runt Agnið.

Rógvi Kárason fekk kapping frá liðfelaganum úr Bragdinum, Mikkel Dyhr, og teir báðir fylgdust stóran part av teininum.

 - Vit fylgdust næstan allan vegin, men tá vit skuldu renna í mótvindinum, legði Mikkel seg afturum meg, so eg kundi hjálpa honum eitt sindur, segði Rógvi Kárason.

 - Tá vit so komu í ta síðstu brekkuna, tá fall hann longri afturum, meðan eg helt nøkulunda ta somu ferðina, sum tú nú einaferð kanst í slíkum veðri, segði vinnarin hjá monnum, sum rann teinin upp á 34.00.

Mikkel Dyhr fekk annað plássið, meðan Eirikur Hansen fekk triðja plássið. Rógvi Kárason ætlar at renna í øllum vetrarkappingunum, og eitt av stóru málunum fyri 2023 er at klára oyggjaleikakravið.

 - Fyrst og fremst ræður um at klára oyggjaleikakravið og vónandi sleppa við, og eftir tað vil eg eisini klára eina ordiliga góða maratontíð og kanska nærkast metinum innan nøkur ár, segði Rógvi Kárason.

Marita klárt á odda

Marita Andrasardóttir úr Bragdinum fór framum hinar tíðliga á níggju kilometra langa teininum, og hon hugdi ongantíð afturum seg og vann sannførandi við tíðini 42.03.

 - Eg hugsi fram ímóti oyggjaleikum. Og sigi ja takk, um eg sleppi við har, segði Marita Andrasardóttir.

Á øðrum plássi endaði Hergerð Heldarskarð - eisini úr Bragdinum, meðan Vibeka Eihil Sivertsen fór avstað við bronsuni.

Triðja umfar í vetrarkappingini verður í Kollafirði tann 10.desember.

 
Er kopiera

Tak niður

Nýggjastu sendingar í ÚV
Hósdag 1. desember
Mono: Fimm áratíggju (2:5)
148822
Hósdag 1. desember
Góðan morgun Føroyar 01. desember 2022
148795
Hósdag 1. desember
Morgunlestur hósdagur 1. desember 2022
148582
Nýggjastu sendingar í SV
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669