Grønlendskar kvinnur stevna danska statin

143 grønlendskar kvinnur hava stevnt danska statinum eftir 43 milliónum krónum fyri brot á mannarættindi. Tað er fyri, at danskir myndugleikar syrgdu fyri at seta snyril í 4.500 grønlendskar móti teirra vilja. Hetta var helvtin av øllum grønlendskum kvinnum í byurðardyggum aldri tá.

Donsku og grønlendsku myndugleikarnir samdust í 2022 um at seta eina kanning í verk, sum skuldi lýsa málið út í æsir. Kanningin skuldi umfata tíðarskeiðið frá 1960 til 1991, tá grønlendingar yvirtóku heilsuverkið.

Kvinnurnar gjørdu vart við seg í oktober mánaði í fjør, uttan at tann danska stjórinin lat við seg koma. Og sambært sakføraranum hjá grønlendsku kvinnunum er hetta eitt ómetaliga stórt og umfatandi mál.