Eingi eplir at fáa

Nú verkfallið hevur vart í eina viku, sæst tað aftur í matvøruhandlunum og oljusølunum kring landið. 

Í matvøruhandlum eru tað serliga hillarnar við grønum, ið eru tómar. Eplir eru eingi eftir og lítið er av salati og øðrum frískum grønmeti. Heldur eingin egg eru at fáa og tað sama ger seg galdandi fyri bleytt ger. 

Diesel tómt í flestu støðum
Hjá oljufeløgunum Effo og Magn hava flestu sølustøðir einki diesel eftir og um nakrar dagar er helst einki bensin eftir, siga oljufeløgini. Á heimasíðuni hjá Effo og Magn ber til at síggja, hvat slag av olju er eftir og hvar.