Neyðugt at skilja ruskið og binda væl um posan

- Tað er umráðandi, at vit øll gera okkara og skipa burturkastið væl. 

Tað sigur Birita Fritleifsdóttir Kjærbæk, umhvørvismálsviðgeri á Umhvørvisstovuni. 

Matleivdir skulu skiljast frá

Tað er neyðugt at skilja ruskið væl, nú verkfall er. Fyrsta stigið er at skilja matleivdir og vanligt húsarhaldsburturkast, sigur umhvørvismálsviðgerðin. Eisini er av stórum týdningi, at binda væl um posarnar við burturkasti, fyri at sleppa undan lukti og harvið skaðadjórum. 

Ruskposarnir skulu standa rætt

Umframt at tað er umráðandi at skilja tað, sum fer í ruskposarnar, má eisini hugsast um, hvar fullu ruskposarnir verða settir. Teir skulu standa turt og kalt og helst inni í eitt nú einum hjalli ella bilhúsi, ella har rotta og onnur dýr ikki kunnu koma framat. 

Kringvarpið var í dag á gátt hjá Umhvørvisstovuni, sum gav nøkur góð ráð, hvussu skilabest er at handfara ruskið, ið fer at fyllast, so hvørt verkfallið heldur fram.