Vindmyllur hótta fuglin

Umhvørvisstovan hevur góðkent umhvørvisárinsmetingina, sum SEV hevur gjørt um vindmyllulundina í Klivaløkshaga á Sandi.Vindmyllurnar kunnu fáa neilig árin, serliga á búfuglin í økinum, sigur metingin. SEV ætlar seta  upp fimm, seks ella sjey myllur í Klivaløkshaga vestan fyri Sands bygd. 
Økið á Sandoynni er sum okkara Amazonas, sigur Silas Olofson, fuglaserkønur um staðsetingina av vindmyllu-lundini í Klivaløkshaga á Sandoynni. 

Ríkasta økið í Føroyum

 Silas Olofson peikar á økið í Klivaløkshaga og nevnir tað eitt tað ríkasta í Føroyum. 

-  Eftir minum tykki er hetta kanska ríkasta økið í føroyum, tá tað kemur til fugl. Bæði gæs og hagafugl. Hetta er eitt avbera ríkt fuglaøki, sigur Silas Olofson.

- Eg hevði viljað kunnað givið eitt sovorðið øki viðari til míni børn, abbabørn og eftirkomarar, fyri at vísa hvørji fuglasløg vit hava. Heldur enn bara at sija: Ja, tá eg var ungur, sá eg hesi fuglasløgini her, men nú eru tey horvin!