- Tíðindi, mentan og ítróttur
Aspirantskipanin endurskoðast
Ein arbeiðsbólkur handaði í gjár landsstýrismanninum í útbúgvingarmálum tilmæli um loysnir, ið skulu gera aspirantútbúgvingina á Vinnuháskúlanum betri umtókta millum umsøkjarar.
Orsøkin er, at ov fá fólk nema sær skiparaútbúgving gjøgnum hesa skipanina.
Føroyska aspirantskipanin kom í gildi í 2015.
Arbeiðsbólkurin kemur við trimum høvuðspunktum, ið mugu betrast.
1. At gera tað púra greitt, hvør hevur ábyrgdina av aspirantinum
2. Tað skal vera lættari at sleppa inn á útbúgvingina
3. At aspirantarnir - sum í Danmark - fáa betri samsýning tíðina teir eru umborð á skipi
Aspirantskipanin er lykilin til at fáa fleiri næmingar á skipara-útbúgvingarnar sum heild, tí umsøkjaratalið er støðugt minkandi, sigur Jón Helmsdal, undirvísingarleiðari á Vinnuháskúlanum og limur í arbeiðsbólkinum.