Bátadráttur í staðin fyri rampuna í Skopun

Gerhard Lognberg, borgarstjóri í Skopunar kommunu ætlar at lata ein bátadrátt byggja á staðnum, har ferjurampan er í dag.

Men hóast borgarstjórin fegin vil hava ferjurampuna av havnarlagnum, so óttast hann, at økið er í vánaligum standi, tá tað verður latið kommununi aftur.
- Tað er hent fyrr, sigur hann.

Fiskimálaráðið fer at biða um 7,5 milliónir í eykajáttan til arbeiðið at flyta rampuna úr Skopun til Syðradals. Tó er óvist, um hetta verður játtað, og nær arbeiðið kann byrja.

Nógvir møguleikar eru at gera havnarlagið til eitt savnandi stað og verður tað ætlanin við økinum, tá rampan er burtur.