Tveir vilja verða fremstir í Fuglafirði

Ólavur Larsen er toppskjútti á valinum í Fuglafirði. Hann hevur fingið heili 159 persónligar atkvøður. Best einstaka úrslit í meir enn 20 ár, og hann sigur at fólkið hevur talað.

Hinvegin hevur Dávur Juul, borgarstjóri, við 110 persónligum atkvøðum fingið stóra framgongd, og tí mungar hann eisini eftir at verða sitandi í sessinum.

Og teir báðir vænta einki greitt svar fyrrenn í morgin, men hvørgin ætlar sær í song, sær tað út til.