Hallur Holm: Sum at flúgva

Tað er sum at flúgva, sigur Hallur Holm.

 - Tað er eitt øgiligt frælsi í at orka, og tú rennur um fjøll og dalar.

Tá hundraðtals kilometrar í hørðum lendi skulu leggjast afturum, er ivaleyst ein treyt at hava tað sum kendi føroyski renniveteranurin. At síggja tað sum frælsi, ið onnur helst síggja sum vitloysi.

Hallur Holm hevur síðstu 10 árini lagt seg eftir sonevndari ultrarenning, har tað yvirhøvur snýr seg um at renna langt og leingi. Hann kappast í stórum altjóða kappingum - viðhvørt á donskum landsliðum og viðhvørt sum einstaklingur - og so seint sum í desember í 2023 gjørdist hann heimsmeistari í 24 tíma renning í sínum aldursbólki.

Nú venur hann til Transgrancanaria Classic, sum verður á Gran Canaria seinni hendan mánaðin, har hann skal renna 126 kilometrar og 7.000 hæddarmetrar so skjótt sum gjørligt.  

Í innslagnum omanfyri fylgdu Halli Holm til venjing og gjørdu eina roynd at finna útav, hvat drívur verkið.