Rokkahjólini mala aftur

Í dag verða rokkahjólini mest brúkt sum veggjaprýði í stovuni.

Men í Spinnarínum í Klaksvík hava tey hesa vikuna snurrað við fullari ferð, har tjúgu luttakarar hava verið á skeiði í ullaspinning við bretsku Theresu George.

Tað er Áhugafelagið Spinnaríið, sum stendur fyri skeiðinum, sum endaði í dag. Og endamálið er at fáa nýtt lív í eitt gamalt føroyskt handverk.

Vit vilja varðveita ullaspinning og vísa á, at handverkið framvegis er viðkomandi og gagnligt, sigur Dorit Hansen, fyriskipari.