Lyftin bannað í Listasavninum á Sandi

Arbeiðs- og Brunaeftirlitið hevur givið Listasavninum á Sandi nýtslubann fyri lyftuna.

Orsøkin er, at lyftan manglar eina serliga tilkalliskipan, sum tryggjar, at fólk kunnu fáa hjálp, um tey standa fast í lyftuni.

Á Listasavninum harmast tey um avgerðina. Tey halda, at krøvini eru óneyðug og fara at gera tað torført hjá gestum við rørslutarni at vitja savnið.