Gezá: Millum Fernandes og Modrić

Hann hevur júst verið við at senda stórfelagið Manchester United úr ensku League Cup.

Tað var ein sonn uppliving at royna seg ímóti Bruno Fernandes og hinum heimstjørnunum, fortelur Gezá Dávid Turi, sum saman við føroyska landsliðnum fyrireikar seg til eina uppaftur størri roynd.

Í morgin vitjar Ballon D'or vinnarin Luka Modrić á Tórsvølli saman við Kroatia, sum er nummar 10 á altjóða FIFA-styrkilistanum. 

Miðvallarin, sum í summar skifti úr Real Madrid til AC Milan er gamaní vorðin 39 ára gamal, men hann er framvegis lættur á fótum, og fótbóltshøvdinum bilar framvegis einki.

Gezá Dávid Turi, sum framvegis bíðar eftir sínum fyrstu landsliðsminuttum, vónar at fáa kjansin á fullsetta Tórsvølli. Ikki bert orsaka av Luka Modrić, men tí tað altíð hevur verið hansara dreymur.