Linjuføringin av Sandi loysir seg best

Dagur&Vika hava fingið búskaparfrøðingin hjá Landsverki, Brand Sjúrðarson, at rokna kost-nyttu greiningina Suðuroyartunlinum av nýggjum uttan óneyðugar dýrkingar, sum Tunnilsfelagið hevur lagt omaná alternativu linjuføringina, sum eftir ætlan skuldi fara niður norðan fyri Sandsbygd. 

Tá ið Tunnilsfelagið hevði gjørt sína meting av alternativu farleiðini var hon vorðin 1,7 kilometur longur enn áðrenn mett og harafturat hevði Tunnilsfelagið lagt kostnaðin av einum tunli undir Sandarlíð omaná projektkostnaðin, hóast at ongin ferðsla til Suðuroyar fer ígjøgnum Sandalíð í alternativa uppskotinum.

Tá ið dýrkandi broytingarnar hjá Tunnilsfelagnum eru tiknar burturúr kost-nyttugreiningini, so broytist úrslitið markant. Leið 1A, sum politisku flokkarnir hava peika á, er ikki longur tann, sum loysir seg best, men tað er leið 1B. Niðanfyri síggjast upprunaliga kostnyttugreiningin og tann, sum Dagur&Vika hevur biðið Brand Sjúrðarson um at gera: 

Upprunalig kostnyttugreining.png

nyggj_kostnyttugreining2.png