Kanning: Trump ov skjótur at brúka hermegi

Nýggj kanning vísir, at nógvir amerikanarar halda, at Donald Trump, forseti, er ov skjótur at brúka hermegi.

56 prosent av amerikanarum, sum eru spurdir í nýggjari kanning, sum Ipsos hevur gjørt fyri tíðindastovuna Reuters, siga seg halda, at Trump er ov skjótur at nýta hermegi.

Fýra av tíggju siga seg vera ímóti álopunum, sum USA og Ísrael hava sett í verk móti Iran. 

Bert 27 prosent stuðla álopunum, sum m.a. hava dripið ovasta leiðaran í Iran, Ali Khamenei. 

Triðingurin hevur ikki tikið støðu

Beint niðanfyri ein triðingur av teimum spurdu høvdu ikki tikið støðu.

23 prosent av spurdum republikanarunum siga seg vera ímóti álopunum, meðan heili 87 prosent av demokratunum siga tað sama.

Kanningin var gjørd leygardagin og í gjár, eftir at álopini byrjaðu. 

1.282 vaksnir amerikanarar vórðu spurdir. Óvissan er trý prosentstig.