Blóðroyndir ferðast við rørposti

Nýggjar tíðir á Landssjúkrahúsinum. 

Nýggja rørpostskipanin, sum er knýtt at hvørjari seingjardeid, er nú klár at taka í nýtslu.

Milliónir eru lagdar í nýggju skipanina.

Tøknin ger, at nú fara sjúklingar at fáa skjótari svar upp á blóðroyndir.

Rørpostskipan á Landssjúrkrahúsinum

Ein stór, men neyðug íløga, um mann spyr Biritu K. Samuelsen, leiðandi bioanalytikara á Landssjúkrahúsinum. 

"Hetta er ein íløga í framtíðina, tí vit hava gjørt alt manuelt áðrenn," sigur hon.

"Rørpostskipanin ger, at deildirnar kunnu seta sjúklingarnar skjótari í viðgerð ella útskriva teir skjótari. Fyrr skuldu vit skriva alt inn við hond, og ganga oman á rannsóknarstovuna við blóðroyndunum, men nú hava vit ein skannara at merkja blóðprøvan, og so fer tað inn í telduskipanina niðri hjá okkum."

Rørpostskipan á Landssjúrkrahúsinum, Birita K. Samuelsen

Birita K. Samuelsen, leiðandi bioanalytikari á Landssjúrkahúsinum