Oyggjaleikir 2027: Fingu listaverk við í flytigóðsi

Nú um dagarnar fekk Ítróttasamband Føroya spennandi flytigóðs av Orknoyggjum, har oyggjaleikirnir vóru í summar. Í eskjunum, sum nú standa á goymslu, eru fløgg, medaljupútur og annað, sum er gingið í arv frá leiki til leik.

Men alt skal ikki bíða í eskjunum til Oyggjaleikirnar í Føroyum í 2027. Eitt listaverk - A Sporting Chance for Peace - var ímillum flytigóðsið, og tað er longu hongt upp á almennum stað.