ÍSF setur ferð á arbeiðið fyri IOC-limaskapi

Føroyar søktu longu í 1984 um limaskap í Altjóða Olympisku nevndini. Men hóast fleiri royndir at fáa málið á breddan aftur, er umsóknin framvegis ikki viðgjørd.

Nú hevur ÍSF sett ein arbeiðsbólk við Una Holm Johannesen á odda, sum skal arbeiða við málinum og kanna møguleikarnar fyri føroyskum IOC-limaskapi.

Málið hevur fingið nýggjan aktualitet í kjalarvørrinum av góðu úrslitunum hjá føroysku hondbóltslandsliðunum.

Svimjarin Pál Joensen og hondbóltsspælarin Óli Mittún eru millum tey, sum vísa á týdningin av at sleppa at kappast á størsta ítróttarpallinum undir føroyskum flaggi.