Loyvi bøta um trygdina

Eitt loyvi skal til fyri at koyra trukk, og nú er ætlanin at hetta eisini skal vera galdandi fyri onnur arbeiðstól.

Hetta er eitt gleðiligt framstig fyri arbeiðstrygdina, sigur Esther Dahl, HR- og HTU-leiðari í Faroe Ship.

Tó merkir hetta, at arbeiðsgevarar og førarar skulu í holt við eina ávísa umskipan, sum sambært Esther Dahl kann vera krevjandi, serliga í byrjanini.

Tí er tað, sambært henni, umráðandi, at broytingin ikki verður framd frá degi til dags, so fyritøkurnar hava ein møguleika at fylgja við.

Hóast fleiri krøv um loyvi eru á veg, so eru tað kortini akfør sum stakkarin, sum ikki eru fevnd av kunngerðini. 

Hetta er eitt sterkt akfar, sum er nógv størri enn ein trukkur til dømis, so um tað er ein feilur, at stakkarin ikki er við, ella um tað er ein orsøk, sum vit ikki kenna til, er ógreitt, sigur Esther Dahl.