Føroyar fáa fríhandil við Turkaland

Føroyar og Turkaland eru á gáttini at skriva undir ein fríhandilssáttmála.

Seinastu tveir dagarnar hava samráðingarfólk frá Uttanríkistænastuni og TAKS tingast við eina turkiska samráðingarnevnd í Ankara.

Seinnapartin eydnaðist pørtunum endaliga at semjast um sáttmálatekstin í nyggja fríhandilssáttmálanum millum Føroyar og Turkaland.

Gunnar Holm-Jacobsen, deildarstjóri fyri Uttanríkistænastuna, hevur staðið á odda fyri føroysku sendinevndini, og hann heldur, at talan er um eitt stórt frambrot, nú fríhandilssátmálin er komin undir land.

Mynd: Gunnar Holm-Jacobsen, vinstrumegin, í samrøðu við umboð fyri turkisku myndugleikarnar
.