Føroyskir fangar í Danmark skulu hava betri umstøður

Kriminalforsorgin ger alla tíðina tiltøk, sum gera tað lættari hjá fólki úr Føroyum, sum eru í varðhaldi, ella sita dóm í Danmark.

Direktoratet for Kriminalforsorgen hevur givið Peter Hummelgaard, løgmálaráðharra, upplýsingar at brúka í svari til Sjúrð Skaale, fólkatingsmann.

Í fjør tilnevndi Kriminalforsorgin eitt fólk, sum veit nógv um Føroyar, ein "videnperson."

Hetta fólkið samskipar samskiftið millum kriminalforsorgirnar í Danmark og í Føroyum um ítøkilig mál.

Sjúrður Skaale

Sjúrður Skaale, fólkatingsmaður. 

Kunnu vera í Føroyahúsinum

Kriminalforsorgin hevur fingið tilsøgn frá Føroyahúsinum, um at tey, sum hava útfaringarloyvi og onga staðni at fara, kunnu vera í Føroyahúsinum. 

Í sambandi við lógina um fótfjøtur hevur Blái krossur í Føroyum tvey útslúsingarpláss í Ávegishúsinum.

Dagføringar í KT-kervinum gera tað lættari at finna munin millum føroyskar og danskar reglur.

Longri vitjanir

Og í fyrsta ársfjórðingi í ár verður skipað so fyri, at tey, sum eru í varðhaldi ella sita í Danmark, fáa fleiri og longri vitjanir, eisini í vitjanaríbúðum, sama um tey hava børn ella ikki.

Tey fáa eisini endurgjald fyri ein part av tí, tey brúka til telefon.

Direktoratet for Kriminalforsorgen fer haraftrat í fyrsta ársfjórðingi at gera vegleiðing um serligar reglur og serlig viðurskifti, sum eru galdandi fyri fangar úr Føroyum.