Felag undir stovnan vann útboðið um myllur í Klivaløkshaga

Eitt felag, sum millum annað Jóhan í Niðristovu fer at stovna, hevur fingið loyvi frá Umhvørvisstovuni til at byggja vindmyllur í Klivaløkshaga í Sandoynni.

Talan er um sjey Vestas V-117 vindmyllur.

Prísurin er 26,97 oyru fyri kilowatttíman. Prísvøksturin er 1,25 prosent um árið.

Effo hevði lægsta boðið, men størstu príshækkingina. 

Magn hevði hægsta boðið, men onga príshækking.

Jóhan í Niðristovu

Jóhan í Niðristovu.

Treytað av loyvi

Umhvørvisstovan ger vart við, at endaligt loyvi er treytað av, at onnur neyðug loyvi fáast.

Talan er um loyvi frá Yvirfriðingarnevndini og loyvi frá Sands kommunu.

Endalig avtala skal eisini gerast við jarðareigararnar.

Fýra umsóknir komu um loyvi til at brúka vindorku í Klivaløkshaga.

SEV bjóðaði eisini.