Í sendingini í dag tosa vit við Mariu Tórgarð, sum í síðstu viku vann Nordic Talents Prize á 250.000 krónur fyri sína framløgu um komandi heimildarfilmin Knútar, sum snýr seg um abort í Føroyum. Vit tosa við hana um heiðurin, aktuellu filmsverkætlanina, og nema eisini við heimildarfilmin "Mammuskepilsið", sum er ein persónligur dokumentarur um upplivingar hjá Mariu við sálarsjúku hjá mammuni. 

Vit fara eisini í Løkshøll, har leikurin Løstir nú verður enduruppsettur í annaðkvøld kl. 19. Leikurin snýr seg um persónligu søgurnar við sálarsjúku hjá Bárði Persson og Barbaru Hesselager.

Listamaðurin Olivur við Neyst andaðist í fjør; 70 ára gamal. Nú skipar Steinprent fyri eini minnisframsýning um Olivur við oljumálingum, steinprentum og vatnlitsmálningum. Vatnlitsmálningarnir og nøkur steinprent hava ligið á goymslu í Steinprenti. Vit tosa við Jan Andersson, Bárð Jákupsson og Kinnu Poulsen um listarligu lívsleiðina og listina hjá Olivuri við Neyst.