39 lík funnin í bingju

Løgreglan í Bretlandi kannar eitt mál um 39 lík, sum vórðu funnin í einari lastbilabingju í býnum Grays, 30 kilometrar eystan fyri London, í nátt.

Tær fyrstu upplýsingarnar benda á, at 38 av teimum deyðu eru vaksin fólk, og at eitt fólk er tannáringur. Løgreglan sigur, at talan er um eitt drápsmál.

Ein 25 ára gamal maður úr Norðurírlandi er tikin, og hann er undir illgruna fyri dráp, skriva bretskir fjølmiðlar.

Maðurin koyrdi lastbilin við bingjuni, har líkini vórðu funnin. Løgreglan heldur, at bingjan kom úr Bulgaria til Bretlands leygardagin.