Stovna føroysklærarafelag

Í kvøld er ætlanin at stovna eitt áhugafelag fyri lærarar í móðurmálinum, á øllum stigum, úr barnagarði til fróðskaparsetur.

Ætlanin er, at felagið skal eggja til samstarv millum lærarar í føroyskum, skipa fyri fakligum og námsfrøðiligum kjaki og tiltøkum, og hava samstarv við móðurmálslærarafeløg í hinum norðurlondunum.

Stovnandi fundurin verður á Miðnámi á Kambsdali í kvøld klokkan 19. Tær, sum hava tikið stig til at stovna felagið, eru Katrin Næs, Henrietta A. Jaobsen, Jastrid á Dalbø og Óluva Klettskarð.