Sendistova í Ísrael er í fíggjarlógaruppskotinum

Sendistovan í Ísrael er komin eitt stig nærri veruleikanum.

Í fíggjarlógaruppskotinum, sum landsstýrið sendi løgtinginum fríggjadagin, verður biðið um at hækka játtanina til sendistovuvirksemið við 2,6 milliónum krónum. 

Av hesum fara 1,6 milliónir krónur til at stovna eina sendistovu í Ísrael.

Í viðmerkingunum stendur, at "hóast handilsliga og vinnuliga samstarvið annars millum Føroyar og Ísrael er avmarkað í løtuni, eru stórir møguleikar í einum tøttum samstarvi við Ísrael."

Landsstýrið nevnir einki um, hvar í Ísrael, sendistovan skal liggja.