Aksel spyr um vaktarvirksemi

Aksel V. Johannesen í Javnaðarflokkinum spyr Helga Abrahamsen, landsstýrismann í vinnumálum, um ætlanin er at gera eina lóg um vaktarvirksemi í Føroyum.

Aksel V. Johannesen sigur, at hóast lítil kriminalitetur er í landinum, er tørvur á vaktarfólki, sum halda vakt við almennar og privatar bygningar.

Nógv vinnuligt vaktarvirksemi er, men eingin lóg er á økinum, og sostatt ongar treytir fyri, hvørjar førleikar vaktarfólk skulu hava.

Aksel V. Johannesen heldur eisini, at tað hevði veri áhugavert at kannað, um grundarlag er fyri at seta á stovn útbúgving ella skeið í vaktarvirksemi í Føroyum.