Hálvfinalurnar stroymdar á kvf.fo

Tey somu fýra feløgini - Kyndil, VÍF, Neistin og H71 - eiga øll liðini í hálvfinalunum hjá kvinnum og monnum. 

Hjá kvinnunum verður onnur hálvfinalan ein endurtøka av steypafinaluni í fjør, tá Kyndil og VÍF bresta saman. Kringvarpið stroymir fyrru hálvfinaluna millum hesi bæði liðini klokkan 18 í annaðkvøld. Í hinari hálvfinaluni hittast H71 og Neistin. 

Hjá monnum møtast steypavinnararnir og føroyameistararnir í hálvfinaluni. Neistin tekur ímóti H71, og Kringvarpið stroymir fyrru hálvfinaluna millum teir hóskvøldið klokkan 20. Í hinari hálvfinaluni hittast VÍF og Kyndil.