Øll skipini sigla heim

Føroysku skipini, sum hava verið á Flemish Cap, eru nú øll á veg heim.

Kvotan er fiskað.

Klakkur, sum eisini fiskaði fyri Ågot, hevur 458,7 tons, Kambur og Stapin hava 280 tons hvør, Jógvan I hevur 277,8 tons, Eivind hevur 279,8 tons og Jákup B, sum enn ikki hevur boðað frá, hvussu nógv, hann fiskaði í gjár, hevur 277,8 tons.

Men góð 20 tons vóru eftir av kvotuni í gjár, og tey hevur Jákup B ivaleyst fiskað í gjár.

Góður fiskiskapur

Fiskaríið var aftur í ár sera gott á Flemish Cap.

Men kvotan var nógv minni í ár enn í fjør.

Hon var 1907 tons.     

Í fjør var toskakvotan á Flemish Cap 3.911 tons.