Rinda skuld í staðin fyri at fáa negativa rentu

Negativa rentan er ein stór orsøk til, at vinnan lænir færri pengar nú.

Sannlíkt er, at vinnan rindar skuld niður heldur enn at hava pening á bók fyri negativa rentu.

Útlán til vinnuna stóðu næstan í stað í 2019 samanborið við undanfarin ár, sigur Landsbankin. Talan er bæði um privatar og almenna fyritøkur í Føroyum. 

Lænt 5,6 mia. í Føroyum

Føroyskir peningastovnar eiga góðan triðing, 5,6 mia.kr., sum vinnan hevur lænt.

Landsbankin sigur, at er útlánsvøksturin størri enn vøksturin í búskapinum, kann vandi vera á ferð. 

Millum annað vuksu útlánini fyri kreppurnar í 90’unum og í 2008 nógv skjótari, enn búskapurin vaks.

Men hetta er ikki trupulleikin nú. Búskapurin veksur skjótari enn útlánini.