Nógvir løntakarar komnir afturat

670 løntakarar hava annan ríkisborgaraskap enn danskan. Størsti vøksturin er í byggivinnu. Í henni eru komin 847 fólk afturat.

Kommunurnar eru vorðnar ein stórur arbeiðsgevari. Tær settu 678 fleiri fólk í starv árini 2014 til 2019, skrivar Hagstovan.

Saman við kommununum eru ríkisstovnar, men har eru lutfalsliga fá størv, og tað er ikki har vøksturin er.

Ovfarin um vøkstur hjá kommununum

Í hinum endanum eru landsfyrisitingin og fiskivinnan. Bara 27 fólk eru komin afturat í landsfyrisitingini síðani 2014 og 11 í fiskivinnuni.

Hagstovan heldur tað vera merkisvert, at vøksturin hjá kommununum er júst tríggjar ferðir so stórur sum hjá almannaøkinum og heilsuøkinum.

Eisini er vert at leggja til merkis, sigur Hagstovan, at vøksturin í gistingar- og matstovuvinnuni er eins stórur og á undirvísingarøkinum.