Boris Johnson smittaður av korona

Bretski forsætisráðharrin, Boris Johnson, hevur fingið koronavirus. Tað upplýsir BBC.

Hann sigur, at hann seinasta samdøgrið hevur ikent seg sjúkan, og ein kanning avdúkaði, at hann hevur fingið koronavirus.

Hann er farin í sjálvboðið sóttarhald, men fer at virka sum stjórnarleiðari og hava teir fundir, sum eru neyðugir, umvegis telduskipanina.

Boris Johnson boðaði sjálvur frá á Twitter, at hann er sjúkur, og hann legði aftrat, at saman fer bretska fólkið at loysa trupulleikan.

Hann takkaði øllum, sum eins og hann arbeiða heimanífrá, fyri at sleppa undan at virusið breiðir seg.

Boris Johnson sigur seg hava nógvan fepur og turran hosta.