NemID verður nú eitt krav

Í tíðindaskrivi upplýsir Felagið peningastovnar, at farið verður burtur frá gomlu Cryptomathic innritanini, umframt at Lønarportalurin verður avtikin.

Sambært felagnum er orsøkin, at Cryptomathic verður ikki longur mett at vera ein trygg innritanarloysn fyri kundarnar. Tí verður hesin háttur at rita inn í Netbankan og Lønarportalin ikki longur tøkur tann 29. mai 2020.

 >> SÍ EISINI Hetta fer í søguna

Sambært føroyskum peningastovnum innrita flestallir føroyingar við NemID í Netbankanum, tó at nakrir fáir privat- og vinnukundar framvegis brúka Cryptomathic innritanina til Netbankan og nøkur vinnurekandi til Lønarportalin.

Samstundis boðar felagið frá, at føroyska innritanarloysnin - Talgildi Samleikin - verður væntandi klár í 2021.