Fimm milliónir arbeiðsleys eftir einari viku

Fleiri enn 22 milliónir amerikanarar hava síðstu fýra vikurnar boðað frá, at teir eru arbeiðsleysir. Tað skrivar blaðið The New York Times á netinum.

Talið av arbeiðsleysum í USA veksur skjótt í hesum døgum. Í gjár løgdust 5,2 milliónir aftrat talinum av arbeiðsleysum, ið sostatt er farið upp um 22 milliónir fólk.

 >> SÍ EISINI Tølini seta met: 10 milliónir fólk arbeiðsleys

Tað eru líka nógv størv, sum eru komin aftrat síðani seinasta fíggjarkreppan rakti fyri góðum 10 árum síðani, og tað er í øllum vinnum, skrivar The New York Times.

Stóra arbeiðsloysið leggur trýst á tilmælini um, at fólk skulu verða heima. Donald Trump, forseti, segði á tíðindafundi í gjár, at USA fer at lata uppaftur skjótt.

– Tað má vera javnvág í. Fólk mugu sleppa aftur til arbeiðis, segði amerikanski forsetin, Donald Trump, mikudagin.