Fiska, hóast prísurin er vánaligur

Fiskiskapurin heldur fram, hóast prísurin er vánaligur.

Fiskamarknaðurin sigur, at fýra línuskip eru til fiskarí. Eitt er við Eysturgrønland, eitt á Íslandsrygginum og tvey eru sunnan fyri Føroyar. 

Frystilínuskipini eru øll til fiskarí.

Um útróður sigur Fiskamarknaðurin, at streymurin er góður og veðrið er eisini gott, men prísurin er vánaligur.

Bara ein djúpvatnstrolari fiskar. Hann fiskar stinglaks. Um partrolarar verður sagt, at fýra pør eru til fiskarí. Trý teirra fiska gulllaks.

Trolbátarnir eru norðanfyri. Fiskaríið hjá teimum er brúkiligt. 

Trý garnaskip fiska svartkalva. Fiskiskapurin hjá teimum er eisini brúkiligur.