Leggja álit fram í dag

Formaðurin í Fíggjarnevndini væntar, at nevndin skrivar álit um uppskotið hjá Jørgeni Niclasen, landsstýrismanni, um lántøku til landskassan í dag.

Ætlanin er at læna 1,6 mia. kr. til landskassan.

Fíggjarnevndin hevur fund klokkan hálvgum tíggju, og tingfundur er klokkan tíggju. 

Magnus Rasmussen, formaður í Fíggjarnevndini, sigur, at ætlanin er at skriva álit á fundinum í morgun, so tað kann leggjast fram á tingfundinum. 

Vinnunevndin hevur málið um svartkjaftin, sum skuldi fara til vinnuligar royndir og verkætlanir, verður latin til vanligt fiskarí.

Bjørt Samuelsen, forkvinna í Vinnunevndini, sigur, at nevndin er liðug við málið, og er farin undir at skriva álit.

Møguliga verður álitið lagt fram í dag, sigur hon.