Sertilboð hjá Atlantic Airways heldur fram

Síðani koronasmittan avmarkaði ferðing til og úr Føroyum hevur Atlantic Airways givið kundum sertilboð um at broyta ferðaseðilin ókeypis ella fáa upphæddina tilgóðar. 

Hetta tilboðið heldur nú fram til 30. juni, tí enn hava myndugleikarnir ikki boðað frá, at landamørkini verða latin meira upp aftur. 

Jóhanna á Bergi, stjóri, vísir á, at almenna føroyska flogfelagið fylgir neyvt teimum tilmælum, sum myndugleikarnir koma við.