Friðingarmyndugleikar kanna gøtuna í lundalandi

Yvirfriðingarnevndin hevur biðið lokala friðingarmyndugleikan í Vágum kanna málið í Lamba í Mykinesi, har ein gøta verður bygd gjøgnum lundalandið, tí byggingin krevur loyvi.

– Umhvørvið í Lamba er friðað og krevur tí loyvi frá myndugleikunum, sigur Henrik Møller, formaður í Yvirfriðingarnevndini, sum hevur biðið lokalu friðingarmyndugleikarnar í Vágum um at kanna málið nærri.

Mykines er eitt av trimum Ramsarøkjum í Føroyum, og kemst  tað av nógva sjófuglinum, ið livir har.

Síðst í innslagnum er samrøða við Suna Petersen, sum er deildarleiðari á Umhvørvisstovuni og limur í Ramsarnevndini fyri Mykines.