Nevningating um mál um drápsroynd

29. juni byrjar nevningating um eina hending fyri einum sløkum ári síðani. Ein maður er skuldsettur fyri drápsroynd.

Maðurin, sum er sjúklingur á Psykiatrisku deild í Havn, er skuldsettur fyri 22. juni í fjør at hava lagt á eitt starvsfólk á deildini, meðan tey gingu á gøtuni vestan fyri Sandá, sum er áin millum Havnina og Argir.

Maðurin, sum er fyrst í tjúgunum, leyp á kvinnuna og tók kvørkratak. Hann er tí skuldsettur fyri drápsroynd.

Skuldsetti maðurin er framvegis á Psykiatrisku deild.

Nevningatingið verður á Hotel Hafnia.

Framvegis varðhaldsfongslað

Kvinnan, sum er skuldsett fyri kynsligan ágang móti dóttur sínari, er framvegis varðhaldsfongslað. Hon er varðhaldsfongslað til 19.juni, tá málið verður viðgjørt í Føroya rætti.

Málið byrjaði síðst í mars, tá ein 41 ára gamal maður varð varðhaldsfongslaður í grundlógaravhoyring. 

Hann varð skuldsettur fyri at hava havt kynsligt samband við stjúkdóttur sína.

Gentan var yngri enn 18 ár, tá kynsliga sambandið skal vera byrjað. Nakrar fáar dagar seinni varð móðir gentuna eisini varðhaldsfongslað.

Maðurin varð latin leysur 6. apríl, men hann er framvegis skuldsettur. Kvinnan, sum er í tríatiárunum, er enn í varðhaldi. 

Sambært skuldsetingunum byrjaði kynsligi ágangurin í 2016. Tá var gentan 15 ár.