Tvær rutur tiknar uppaftur - fimm aðrar ikki

Tað váttar Jóhanna á Bergi, stjóri í Atlantic Airways, fyri útvarpinum nú á døgurða.

Men samstundis er avgerð eisini tikin um, at flúgvingin ikki verður tikin uppaftur til fimm onnur ferðamál, ið vóru partur av ferðaætlanini, áðrenn koronufarsóttin avmarkaði virksemið.

Orsøkin er, at felagið ikki metir, at hesar rutur fara at bera seg. Nýggja ferðaætlanin verður galdandi restina av árinum, men felagið er eisini farið at kanna nýggj ferðamál til næsta ár, upplýsir stjórin. 

Edinburgh og Gran Kanaria leggjast aftrat flogrutunum, ið flogfelagið Atlantic Airways longu hevur til Keypmannahavnar, Billund, Aalborg og Keflavíkar.