ES viðurkennir ikki forsetavalið í Hvítarusslandi

ES-londini viðurkenna ikki úrslitið av forsetavalinum í Hvítarusslandi.

Tað sigur týski samveldiskanslarin, Angela Merkel, eftir at ES-leiðararnir hava viðgjørt støðuna í dag.

Bæði hvítarussiska andstøðan og fleiri lond í vesturheiminum hava sagt, at tað var svik á forsetavalinum tann 9. august, sum gav sitandi forsetanum, Aleksandir Lokashenko 80 prosent av atkvøðunum.

Vil býta valdið

Nógvur ófriður og mótmælisgongur hava verið, síðani valúrslitið gjørdist alment.

Aleksandr Lukasjenko, forseti, hevur síðani slakað og sagt, at hann er sinnaður at býta valdið sundur, og at broyta grundlógina.

Tað skal tó gerast eftir hansara treytum, og ikki undir trýsti frá mótmælisfólkunum, segði Lukasjenko fyrr í vikuni.