Samstarv er vegurin

Tað var á ynskilistanum hjá Jenisi av Rana, landsstýrismanni í uttanríkismálum, tá ið hann í dag tók ímóti danska uttanríkisráðharranum, Jeppe Kofod.

Jenis av Rana og Jeppe Kofod fundaðust í Tinganesi fyrrapartin, har teir millum annað umrøddu trygdarstøðuna í Arktis, møguleikan hjá Føroyum at hava meira at siga á uttanríkispolitiska pallinum og samstarvið millum Føroyar og Danmark á hesum øki.

Sambært báðum pørtum var talan um ein góðan fund, har semja var um tætt samstarv á uttanríkispolitiska økinum.

Áðrenn farið varð víðari suður til Tvøroyarar - var tíðindafundur í Tinganesi.