Ågot hevði besta árið í fjør

Árið í fjør var tað besta hjá felagnum, sum eigur línuskipið Ågot.

Smápartafelagið Ågot hevði 5,3 milliónir í yvirskot, sambært roknskapinum fyri 2019.

Samlaða inntøkan hjá felagnum var 21,7 milliónir krónur, og felagið rindaði 15 milliónir í lønum og hýrum.

Í ársfrágreiðingini sigur leiðslan í felagnum, at korona trýstir fiskaprísirnar niður, og tað fer at ávirka úrslitið hjá reiðarínum í ár.