Nú fara sjúkrarøktarfrøðingarnir í verkfall

Um ein lítlan tíma fara 50 sjúkrarøktarfrøðingar í Føroyum í verkfall, sum varð fráboðað í síðstu viku. Onkur undantøk eru tó givin.

Í fyrstu syftu verða undantøk givin teimum, sum hava tørv á akuttari viðgerð, boðaðu sjúkrarøktarfrøðingarnir frá, tá verkfallið varð lýst.

Tað merkir, at nakrir sjúkrarøktarfrøðingar á verkfalsraktu deildunum á Klaksvíkar sjúkrahúsi og Landssjúkrahúsinum fara til arbeiðis.

Meira verður eisini at frætta um verkfallið í útvarpstíðindunum klokkan sjey.