Uttanlandsnevndin viðger yvirtøkumál

Uttanlandsnevndin viðger yvirtøkumál
Tjóðveldi vil yvirtaka politiið og landslæknan, landslæknan longu á ólavsøku næsta ár og politiið 1. januar í 2022
Tjóðveldi hevur skotið upp at yvirtaka politiið og landslæknan. Uttanlandsnevndin viðger uppskotið í dag, og hevur boðsent m.a. Politistafelagnum og Kriminalforsorgini á fund at siga sína hugsan
 
29.10.2020 - 08:55

Uttanlandsnevndin fer fyrrapartin at viðgera uppskotini hjá Tjóðveldi um yvirtøkur. Tjóðveldi vil yvirtaka politiið og landslæknan, landslæknan longu á ólavsøku næsta ár og politiið 1.januar í 2022.

Tjóðveldi mælir til at broyta lógina um ræði á málum og málsøkjum, so løgregla, ákæruvald og brotsmálaumsorgan og landslæknaembætið, eftirlit við heilsustarvsfólkum og stovnum á heilsuøkinum, sjúkufyribyrging, sinnissjúkraviðurskifti, líkskoðan, vevnaðarflutningur, euforiserandi evni, sjúklingarættindi og eftirgjørdur gitnaður koma undir føroyskt ræði.

Tað verður mett at kosta 120 milliónir krónur í 2022 at yvirtaka politiið. Og tað verður mett at kosta 4,9 milliónir krónur at yvirtaka millum annað landslæknan, sigur Tjóðveldi.

Nógvar innkallingar

Nógvar innkallingar eru gjørdar til fundin í dag.

Politistafelagið, løgmaður, Kriminalforsorgin og leiðarin fyri arrestina í Mjørkadali, Karl Johansen, sýslumaður, Amnesty International og Advokatfelagið verða spurd, hvat tey halda um at yvirtaka politiið.

Og landsstýrismaðurin í heilsumálum og Tormóður Stórá, leiðari á Psykiatriska deplinum, verða spurdir um heilsufakligu yvirtøkuna.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592