Spyr um lønir hjá vaskifólkum á Landssjúkrahúsinum

Ingilín Didriksen Strøm vil nú hava at vita frá Kaj Leo Holm Johannesen, landsstýrismanni í heilsumálum, hví vaskifólkini á Landssjúkrahúsinum fáa lægri byrjanarløn enn vaskifólkini á hinum báðum sjúkrahúsunum. 

Í Degi og viku hóskvøldið kom fram, at byrjanarlønin hjá vaskifólkunum á Landssjúkrahúsinum er 119 krónur um tíman og endalønin 130 krónur. Á hinum báðum sjúkrahúsunum er byrjanarlønin 130 krónur.

Í innslagnum varð eisini víst á, at hóast reinføri hevur staðið ovarlaga á skránni í ár í sambandi við koronusmittuna, kenna vaskifólkini seg ikki vird. Lønin hjá vaskifólkum er so mikið lág, at fleiri liva undir fátækramarkinum. 

Ingilín Didriksen Strøm spyr eisini Kaj Leo Holm Johannesen, um hann ætlar at gera nakar batar á hesum økinum. 

1