Seks ísfiskalínuskip til fiskiskap

Fimm eru á landgrunninum og eitt á Íslandsrygginum. Sjey frystilínuskip eru til fiskiskap, eitt við Ísland og seks undir Føroyum.

Streymurin verður góður til útróður, men veðrið verður eitt sindur óstøðugt. Fiskamarknaðurin roknar tó við nakað av útróðri.

Djúpvatntrolarar royna eftir kongafiski

Tveir djúpvatnstrolarar er til fiskiskap. Teir royna vestanfyri eftir kongafiski. Viðvíkjandi partrolarum, so er sjey pør til fiskiskap. Fiskiskapurin er vánaligur um dagarnar.

Allir trolbátarnir eru til fiskiskap. Fýra eru á skeivabanka og fýra eystan fyri, og allir royna eftir havtasku. Eitt garnaskip fiskar svartkalva.

Fiskiskapurin er smáligur. Eitt fiskar havtasku og hevur tað brúkligan fiskiskap, skrivar Fiskamarknaðurin í meting fyri næstu viku.